Соңғы төрт күнде шығыстағы көршімізбен арадағы жүк тасымалы 3 есе артты.
Үкіметтің Телеграм-каналы хабарлағандай, күн сайын Қытайдан 500 көлік кіріп жатыр. Ал біздің жақтан көрші елге қарай 200 жүк мәшинесі өтуде.
Айта кеткен жөн, бұған дейін Премьер-Министр Әлихан Смайылов шекарадағы кептелісті жою үшін нақты тапсырма берген болатын. Атап айтқанда, “Нұр Жолы” өткізу бекетінің жұмыс уақыты ұзартылды. Кеден қызметкерлерінің саны көбейтіліп, электрондық кезек жүйесі жетілдірілді.
Сондай-ақ, отандық жүк тасымалдаушылар Қытайға еркін кіруі үшін виза алу тәртібі жеңілдетілді.
JQ-Ақпарат