Ресей елшісі қастандық салдарынан көз жұмды

Анкарадағы Ресей Федерациясының Елшісі Андрей Карлов жасалған қарулы шабуылдан көз жұмды.  Шабуыл Елші фотокөрменің ашылуына қатысып жатқан кезде орын алған. Алдын ала мәліметтер бойынша, оған оқ атылған. Hurriyet басылымының жазуынша, оқиға РФ Елшісінің құттықтау сөз сөйлеуі барысында болды. Дипломат ауыр оқ жарақатымен ауруханаға жеткізілді. Кейін Ресей жаңалықтары агенттігі дәрігерлер оның өмірін сақтап қала алмағандығын хабарлады. Би-Би-Си-дің жазуынша, шабуыл барысында тағы бірнеше адам жарақаттанды. Айта кетейік, соңғы уақытта Түркияда Сириядағы ресейлік саясатқа қарсы акциялар жиі өтіп тұрды.

ҚазАқпарат