Олжас Бектенов: Газбен жылыту жүйесі бар әр үйде дабыл датчигі болуы тиіс

Үкімет отырысында жылыту кезеңінде өрт қауіпсіздігін қамтамасыз ету мәселесін қарау барысында Премьер-министр Олжас Бектенов газ жабдықтарын орнату және пайдалану кезінде қауіпсіздік талаптарының сақталуына назар аударды, деп хабарлайды jasqazaq.kz Үкіметтің баспасөз қызметіне сілтеме жасап.

«Мемлекет басшысы халыққа Жолдауында газ тарту жұмысын жалғастырудың маңызын атап өтті. Газ жабдықтарын орнату кезінде барлық қауіпсіздік талаптарын қатаң сақтау қажет. Газбен жылыту жүйесі бар әр үйде көгілдір отынның шығуын анықтайтын дабыл датчигі, сертификатталған қазандықтар мен құрылғылар болуы тиіс. Газ қызметтері тұрғын үйлерде газды қауіпсіз пайдалану талаптарының сақталуын бақылау бойынша тиісті жұмысты ұйымдастыруға міндетті. Өңір әкімдіктеріне осы бағытта қажетті шаралар қабылдауды тапсырамын», — деді Премьер-министр.