Нұрсұлтан Жақсыген 2 жыл 3 айға бас бостандығынан айырылды (Видео)

16 қыркүйек, 12:31

*Фото: Instagram/fariza.almazovna/Видеодан скрин*

Бүгін актер әрі блогер Нұрсұлтан Жақсыгенге қатысты сот үкімі шықты, деп хабарлайды jasqazaq.kz.

Сот шешімімен ол 2 жыл 3 ай мерзімге бас бостандығынан айырылды. Бұл туралы Руслан Өтепбай өзінің әлеуметтік желісінде жариялады.

Бұған дейін мемлекеттік айыптаушы Нұрсұлтан Жақсыгенді 3 жылға бас бостандығынан айыруды сұраған еді.
Бұл іс оның бұрынғы жұбайы Фариза Алмасқызымен арадағы дауға байланысты қаралды. Айыптау тарапы Жақсыгеннің әлеуметтік желіде бұрынғы жұбайына қатысты ақпарат таратып, ар-намысы мен қадір-қасиетіне нұқсан келтіргенін алға тартқан. Ал Нұрсұлтан Жақсыген бұған дейін кейбір даулы жазбалардың өзіне қатысы жоқ екенін, өзінің атынан жалған парақшалар ашылғанын мәлімдеген болатын.