Нұрсұлтан Назарбаев Ұлттық банктің төрағасы Данияр Ақышевті қабылдады

Қазақстан Республикасының Президенті Нұрсұлтан Назарбаев Ұлттық банктің төрағасы Данияр Ақышевпен кездесті, — деп хабарлайды  Tengrinews.kz тілшісі Ақордаға сілтеме жасап.

Сонымен қатар, бүгін Президенттің қатысуымен үкіметтің кеңейтілген жиыны өтеді.

Кездесу барысында Данияр Ақышев Мемлекет басшысына ақша-кредит саясатының негізгі бағыттары жөнінде және қаржы секторының тұрақтылығын қамтамасыз ету бойынша шаралар туралы баяндады.

Қазақстан Президенті қаржылай тұрақтылықты қамтамасыз ету мен экономиканы ынталандырудың маңызды екенін атап өтті.

Мемлекет басшысы шағын және орта бизнес субъектілерін, сонымен қатар тұрғын үй құрылысын қолдаудың қажеттілігіне назар аударды.

Ақышев экономиканың нақты секторын қаржыландыру бойынша жұмыстардың елдің қарқынды дамуына жағымды әсер етуі тиіс екенін атап өтті.

Мемлекет басшысы кездесу қорытындысында нақты тапсырмалар берді.

Дереккөз:Tengrinews.kz