АҚШ-та көз жұмған отандасымыз дер кезінде ауруханаға жеткізілмеген. Себебі, 26 жастағы Еркін Балғымбаевтың медициналық сақтандыруы болмапты деп хабарлайды ktk.kz. Сондықтан есінен танып құлап қалғанда ғана Хьюстондағы емханалардың біріне жеткізілген. Бірақ жерлесіміз сол бойы ес жимастан жан тапсырған.
26 жастағы жігіттің АҚШ-қа білім қуып барғаны белгілі болды. Хьюстондағы оқу орындарының бірінде оқитын Еркін Балғымбаев 15 қараша күні көз жұмған. Марқұмның артында екі баласы мен әйелі қалды. Қазір еліміздің сыртқы істер министрлігі оның денесін елге әкелуге күш салып жатыр.
Әнуар Жайнақов, ҚР СІМ баспасөз қызметінің жетекшісі:
-Қазіргі таңда қайтыс болу себептері анықталуда. Біздің АҚШ-тағы елшілік туыстарына тиісті көмек көрсетуде. Тиісті құжаттар жиналуда. Денесін Қазақстанға жеткізу бойынша тиісті мәселелер пысықталуда
WhatsApp: +7 705 717 9113
