ҚМА 1 млрд теңгеден астам криптовалютаны заңсыз айырбастау схемасын әшкереледі

Қызылорда облысында тиісті рұқсатсыз Binance платформасының P2P қызметі арқылы 1 млрд теңгеден астам сомаға криптовалюта сатып, одан түскен 178 млн теңге табысты заңдастырған адамдар сотталды. Сонымен қатар олардың бірі есірткі саудасынан түскен ақшаны да криптовалюта арқылы заңдастырумен айналысқан.

Осылайша олар 1 млрд теңгеден астам сомаға цифрлық активтер сатқан. Криптовалютаны заңсыз айырбастаудан түскен табыс 178 млн теңгеге жеткен.

Сонымен қатар сотталғандардың бірі есірткі сатудан түскен ақшаны заңдастырумен айналысқан.

Ақшаны қабылдау және басқа шоттарға аудару үшін өздерінің банк шоттарын пайдалануға берген адамдарды (дропперлерді) тартқан. Осы шоттар арқылы 600 млн теңгеден астам ақша аударылған.

Түскен ақша криптовалютаға айырбасталып, есірткі саудагерлерінің криптоәмияндарына жіберілген. Тергеу анықтаған мұндай аударымдардың жалпы көлемі 277 мың USDT-ге жеткен.

Сотталғандар қылмыстық жолмен тапқан ақшасына жүк көліктері мен тіркемелер сатып алып, оларды жақын туыстарының атына тіркеген. Кейін бұл көліктерді кәсіпкерлік мақсатта пайдаланып, заңды тұлғаларға жалға берген.

Сот үкімімен олардың біріне үш жыл, екіншісіне екі жыл мерзімге бас бостандығын шектеу жазасы тағайындалды. Сондай-ақ төрт арнайы техника мен қылмыстық жолмен алынған 1 млрд теңгеден астам табыс мемлекет пайдасына тәркіленді.

Сурет: ҚМА/видеодан кадр

Посмотреть эту публикацию в Instagram

Публикация от JAS QAZAQ (@jasqazaqkz)