Каспийде 9 әскери қызметші қаза тапты (Видео)

24 қыркүйек, 14:32

Каспий теңізінен қаралы хабар келді. Маңғыстау облысы аумағында өтіп жатқан әскери жаттығу кезінде сарбаздар суға батып кетті.
jasqazaq.kz порталы Қорғаныс министрлігінің баспасөз қызметі қызметіне сілтеме жасай отырып хабарлағандай, Әскери-теңіз күштерінің теңіз жағалауындағы жаттығуы кезінде ауа райы күрт нашарлап, ұйытқыған жел 19 сарбазды теңізге қарай алып кеткен. Олардың үшеуі құтқарылды. Өкінішке қарай, 9 ә кери қызметші ажал құшты.
Төтенше жағдайдың мән-жайын анықтау және іздестіру-құтқару жұмыстарын үйлестіру үшін Қорғаныс министрі Дәурен Қосанов бастаған комиссия шұғыл түрде оқиға орнына аттанды.
Бас прокуратура Ақтау гарнизонында оқу-жаттығу барысында әскери қызметшілердің қаза болу фактісі бойынша қылмыстық іс қозғалғанын мәлімдеді.
Жедел-тергеу тобы құрылды. Оқиға орнында ішкі істер министрлігінің, төтенше жағдайлар министрлігінің және прокуратура органдарының қызметкерлері жұмыс жүргізуде.
Оқиғаның барлық мән-жайларын жан-жақты, толық әрі объективті анықтауға бағытталған тергеу әрекеттерінің кешені жүргізілуде. Қажетті сот сараптамалары тағайындалды.
Тергеу барысы ерекше бақылауға алынды.