Каспий теңізінде жоғалған екі әскери қызметшінің денесі табылды

25 қыркүйек, 11:03

Каспий теңізі акваториясында жүргізілген іздестіру-құтқару операциясы аяқталды, деп хабарлайды jasqazaq.kz.
Қорғаныс министрлігінің мәліметінше, бүгін, 25 қыркүйекте, сағат 09:15 шамасында үздіксіз жүргізілген іздестіру-құтқару жұмыстары кезінде бұған дейін із-түзсіз жоғалған екі әскери қызметшінің – сержант Мансұр Ғумаров пен матрос Мирас Тұрдыбекұлының денелері табылды.
Іздестіру операциясы аяқталды.

Айта кетейік, бұл іске 252 әскери қызметші, 34 бірлік арнайы жерүсті техникасы, 37 әскери сүңгуір, 14 кеме мен катер, сондай-ақ 4 тікұшақты қоса алғанда, 20-дан астам әуе кемесі жұмылдырылды.
JQ-Aqparat

Сурет: қорғаныс министрлігі