Израиль парламентінде азан шақырды (видео)

Израиль парламентінде(Knesset) ел аумағында дауыс зорайтқыштармен азан айтылуына тыйым салатын заң талқыланды.

Заңға қарсы шыққан израильдік депутат мінберден азан шақырды

nur.kz хабарлағандай, бұған байланысты депутат Әбу Арар парламент мінберіне шығып, жұрт оны сөз сөйлейді деп күткенде кенеттен азан шақырды.

Бұған дейін Кнессет азанды дауыс зорайтқыштармен айтуға болмайды деген заңды қабылдап мәжіліске жіберген. Алайда діндәр Yahudot HaTora (Бірлескен Тәурат) партиясының қарсылығымен заң дауысқа салынбай кейінге қалған.

Израиль Кнессеті бұл мәселенің талқыға салынуына «азан даусы шу шығарады» деген сылтауды себеп қылып отыр. Аталған талқылауға өз қарсылығын азан оқу арқылы білдірген Әбу Арарды қалған депутаттар сөгістің астына алды.

Израильдің бұндай заң арқылы мешіттерден азан оқытпауға тырысуы Палестина мен басқа да мұсылман мемлекеттердің қарсылығына ұшырап отыр.