«Ерлік тағылымы» атты жалпы республикалық акция өтеді

Көкшетау қаласында Отан қорғаушылар күні мен Ұлы Жеңістің 72 жылдық мерейтойына арналған шаралар жалғасуда.

«Отбасылық құндылықтарды насихаттау және отбасы тәрбиесіндегі әкенің рөлін арттыру» басты назарда. Осыған орай, ертең  Ақмола облысы ішкі саясат басқармасы еліміздің Президенті әкімшілігінің басшысы Ә.Жақсыбековтің Отан қорғаушылар күні және Жеңіс күнін атап өтуге байланысты ұсынысына сәйкес «Шаңырақ» әлеуметтік-психологиялық және зерттеу қоғамдық қоры мен Ақмола облысының прокуратурасы, Ақмола облысының қорғаныс істері жөніндегі департаменті, Ақмола облысы білім басқармасы мен бірлесіп, ағымдағы жылдың 4 мамыр күні «Ерлік тағылымы – урок мужества» атты жалпы республикалық акциясын жалпы білім беретін мектептер мен арнаулы–  орта оқу орындарының арасында өткізуді жоспарлап отыр.
Іс-шараға Ақмола облысының прокуратурасы, облыстық қорғаныс істері жөніндегі департаменті, Ақмола облысы білім басқармасы мен  Ауған соғысы мүгедектері мен ардагерлерінің одағы  қоғамдық бірлестігі,  Көкшетау техникалық институтының курсантарының қатысуымен қару-жарақты жинау көрінісі жоспарланған.  Сонымен қатар  ҮЕҰ және БАҚ  өкілдері  қатысады. Осы орайда аталған іс-шараны Көкшетау қаласындағы №1 құрылыс-техникалық колледжінің қабырғасында өткізу жоспарланғаны туралы хабарлап, қатысуға шақырамыз.