Бүлдіршіндерді өлімге итермелеген!

Алматы қалалық полиция департаменті балалар пансионатының атын жамылып жұмыс істеген қайырымдылық мекемелерін тергеп жатыр. Олар кәмелетке толмаған балаларды ​​өз-өзіне қол жұмсауға итермеледі және басқа да қылмыстарды жасады деген күдікке іліккен.

— Бұл пансионаттарда тұратын кәмелетке толмағандар жүйелі түрде діни жоралғылар мен ұжымдық дұғаларға тартылған. Бұған көнбеген балаларды тамақ, су бермей жазалаған, кей жағдайда физикалық күш қолданылған.

Пансионаттарда жүргізілген тінту кезінде шетелдік діни әдебиеттер мен оқу материалдары, оның ішінде Қазақстанда экстремистік деп танылған және таратуға тыйым салынған материалдар анықталды, — деп хабарлады Полиция департаменті.

Қазіргі уақытта сотқа дейінгі тергеу жалғасуда. Тергеу мүддесіне сай басқа мәліметтер жария етілмеді.

JQ-Aqparat