jasqazaq.kz

Автосалондар жаңа көліктерді қосымша қондырғымен сатып алуды міндеттеген

18 мамыр 2022, 14:28

Алматы қаласының прокуратурасы автосалондардың қосымша қызметтері мен жаңа көліктерге аксессуарларды сатып алуға мәжбүрлеудің заңдылығына талдау жүргізді, деп хабарлайды ҚазАқпарат.

Қадағалау органы автосалондардың мұндай әрекеті заңға қайшы екенін анықтады. Автодилерлер көліктерді сатқанда бұл қызметтер мен керек-жарақтарды орнатуды тұтынушыларға жүктейді. «ҚР Конституциясының 26-бабына сәйкес, монополиялық қызмет заңмен реттеледі және шектеледі. Жосықсыз бәсекелестікке тыйым салынады.

«Тұтынушылардың құқығын қорғау туралы» Қазақстан Республикасы Заңының 8-1-бабына сәйкес, cатушы тұтынушымен жасалған шарттарға тұтынушының құқығын бұзатын және оларға қысым жасайтын талаптарды енгізбеуге тиіс. Заңның 28-бабына сәйкес сатушы тұтынушыға тиісті сападағы тауарларды тұтынушыға ыңғайлы уақытта еркін таңдауды қамтамасыз етуге міндетті. Тұтынушыны қажетсіз мөлшерде және ассортиментте өнімді сатып алуға мәжбүрлеуге тыйым салынады», — деп түсіндірді прокуратурадан.

Шарт жасасу кезінде тұтынушының құқығын бұзатын жағдайдың бірі — сатушының ақылы тауарлар бойынша қосымша міндет жүктеуі.

«Жоғарыда айтылғандарды ескере отырып, 5 наурыз күні қадағалау органы Алматы қаласы Бәсекелестікті дамыту және қорғау департаментіне заңдылықты бұзушылықты жоюды ұсынды. Қазіргі уақытта уәкілетті орган жаңа автокөліктерді сату бойынша дилерлік орталықтардың тауар нарығындағы бәсекелестік ортаның жай-күйіне талдау жасауды аяқтады», — деп атап өтті ведомстводан.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда