Алматыдағы 3650 әскери бөлімінде білім гранттары табысталды

Қазақстан Республикасының Қорғаныс министрлігі мен еліміздің жоғары оқу орындары арасында «Азаматтарды әскери-патриоттық тәрбиелеу саласындағы ынтымақтастық туралы» келісімдерге қол қойылды.

Осылайша, келісімде жоғары оқу орындарына оқу орнының қаражаты есебінен орын бөлу қарастырылған, яғни жоғары және жоғары оқу орнынан кейінгі білім беру ұйымдарына кейіннен түсу үшін мерзімді әскери қызмет сарбаздарын іріктеу бойынша «Срочники 2.0» атты цифрлық платформа іске қосылды. Осы бағдарлама бойынша біздің 3650 әскери бөлімінің 4 мерзімді қызметтегі сарбаздары жоғары оқу орындарына грант жеңіп алды. Атап айтсақ қатардағы Е.В. Ненин «Логистика және көлік академиясы» АҚ, қатардағы Р.А. Асмакович » Қазақ спорт және туризм академиясы», қатардағы С.Б. Мейрамқұл «Д.А. Қонаев Еуразиялық заң академиясы», қатардағы Т.Б. Қалмұхамбет «Әл-Фараби атындағы ҚазҰУ » КЕ АҚ жоғары оқу орындарына ие болды.