Алматы-2 вокзалынан өрт шықты

29 қараша 2022, 15:15

Алматы-2 вокзалының шатыры өртенді, деп хабарлайды ҚазАқпарат.

«29 қараша күні сағат 14:08-де Алматы қаласы Жетісу ауданы Абылайхан даңғылы, 1 мекенжайында орналасқан Алматы-2 вокзалының ғимараты, атап айтқанда вокзал ғимаратының төбесі өртеніп жатқаны туралы хабар түсті. Оқиға орнында төтенше жағдайлар департаментінің қызметкерлері — жеке құрамнан 43 адам және 14 техника жұмыс істеп жатыр. 100 шаршы метр аумақта вокзалдың бас ғимараты шатырының ағашы өртенді. Адамдар ғимараттан өз бетінше шығып кетті, ешкім зардап шеккен жоқ», — деп хабарлады Төтенше жағдайлар министрлігінен.

Өрт сағат 14:30-да өрт оқшауланып, сағат 14:50-де өрт толық сөндірілді.

Вокзал штаттық режимде жұмыс істеп тұр. Пойыздардың кешігуі болған жоқ.