jasqazaq.kz

Әлеуметтік пен еңбек қауіпсіздігі мәселелері талқыланды

16 қараша, 19:06

Бүгін облыс әкімі Мұрат Ергешбаевтың төрағалығымен өткен мәжілісте өндірістік ұжымдардағы әлеуметтік тұрақтылық және еңбек қауіпсіздігі мәселелері талқыланды. Жиынға мұнай-газ, құрылыс компанияларының, ірі кәсіпорындар мен шаруашылықтардың басшылары қатысты.
Күн тәртібінде өндіріс орындарындағы еңбек жағдайын жақсарту, жұмысшылардың құқықтарын қорғау, жалақыны уақытылы төлеу, өндірістік қауіпсіздік талаптарын сақтау және еңбек ұжымдарындағы әлеуметтік тұрақтылықты қамтамасыз ету мәселелері қаралды.
Аймақ басшысы кәсіпорындардағы тұрақты әлеуметтік ахуал, жұмысшылардың еңбек құқықтарын сақтау, әл-ауқатын арттыру маңызды міндет екенін атап өтті.
«Еңбек шартының сақталуына, жалақының уақытылы берілуіне, қауіпсіздік талаптарына қатысты ешқандай мәселе туындамауы тиіс.  Адал еңбек лайықты бағаланып, маңдай терімен тапқан табыс уақытылы төленуі қажет. Барлық жауапты басқармалар мен департаменттерге ескертемін, бұл бағыттағы жұмысты босаңсытуға, немқұрайлықарауға жол берілмейді», – деді Мұрат Нәлқожаұлы.
Мәжілісте жауапты сала басшыларына мұнай-газ компаниялары мен кәсіпорындардағы әлеуметтік ахуалға тұрақты мониторинг жүргізу, еңбек заңнамасының сақталуын және жалақының уақытылы төленуін бақылау тапсырылды. Сондай-ақ өндірістік нысандардағы өрт және өнеркәсіптік қауіпсіздік талаптарының орындалуын қадағалау, жазатайым оқиғалардың алдын алу шараларын күшейту міндеттелді. Экологиялық талаптардың сақталуы да ұдайы бақылауда болуы қажет.
Құрылыс саласына жауапты басқармалар мен қала, аудан әкімдіктеріне жұмыс сапасы мен
мерзімін бақылау жүктелді.
Ал ауыл шаруашылығы және жер қатынастары басқармасы шаруашылықтардың қаржылық-экономикалық жағдайына, жұмысшылар алдындағы міндеттемелеріне және жер ресурстарын тиімді пайдалануына талдау жүргізуі тиіс.
 
Қызылорда облысы әкімінің баспасөз қызметі

16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті