Әкімнің креслосына отырғаны үшін блогер 73 740 теңге айыппұл төлейді

Өткенде әлеуметтік желіде Жетісу өңіріндегі бір блогердің ауыл әкімінің креслосына отырып алып, әңгіме айтқаны туралы бейнежазба тарап кетті.

Egov.kz Телеграм-каналында жарияланған бейнежазбада ол жұрттың өзіне әкім бол деп жатқанын, бірақ мұндай қызметте тұрақты жұмыс істегісі келмейтінін айтады. Тек шақырған кезде ақыл айтып, жәрдемдеседі-мыс.

Әлгі жазбаның 20 ақпан күні Қарабұлақ ауылында түсірілгені анықталып, блогердің ісі көп ұзамай Талдықорғанның әкімшілік сотында қаралды.

Кінәсін мойындаған блогер сотта өзін қатаң жазаламауды өтінген көрінеді.

Әйтсе де, сот оған 20 АЕК – 73 840 теңге айыппұл төлеу жазасын белгіледі.

Ал креслосына кім көрінгенді отырғызып жүрген әкімге қандай жаза қолданылғаны айтылмайды.

JQ-Aqparat