Айдар Шәрібаев: Үйде отырып алып пікір айтатындар шаршатты

«Қанат Исламды қай нәтижесі үшін елге үлгі етіп жүрміз?». Бүгін szh.kz сайты оқырман қауымға осындай сауал тастап, көлемді мақала жариялапты. Қанаттың елімізге көп келе беретіне дейін жазған автор атын бүркеншік есіммен берген. Jasqazaq.kz тілшісі жуырда ғана АҚШ-тың Майами қаласында жеңіске жеткен кәсіпқой боксшы Айдар Шәрібаевтың осы мәселеге қатысты пікірін білді

Кәсіпқой боксшы бірден бұл көп таяқ жемеген адамдардың әңгімесіғой деп жауап берді. А.Шәрібаев «Әрбір жеңіс оңайылқпен келмейді. Қаншама дайындық керек. Негізінде боксшы мықтыға да мықты емеске де бірдей дайындалады. Мықтымен шықпады деп айтса, ол Қанаттың қолында тұрған жоқ. Кәсіпқой бокс ол — бизнес. Оған қаншама ақша тігіледі.Ал ақшаны тігіп отырған қалталы азаматтар. Қарсыластың рейтингісіне байланысты оның  гонарары да қымбат болады. Сол себепті ол Қанатқа байланысты емес. Ұйымдастарушылары мен промаутеріне байланысты. Оның үстіне мықты боксшылар Қанатпен жекпе-жекке шығуға бірден келісе қоймайды. Өйткені Қанаттан сескенеді. Бұйыртса Қанаттың келесе жекпе-жектері мықты болайын деп тұр. Келесі қарсыласы мексикалық боксшы екен.Рейтингте 4-ші орында тұрған боксшы дейді. Үйінде отырып алып осылай пікір айтатындар шаршатты негізі» — деді.