Ұлттық банк базалық мөлшерлемені 16,75%-ға төмендетті

Ұлттық банк базалық мөлшерлемені 16,75 пайызға дейін төмендетті, деп хабарлайды jasqazaq.kz ҰБ баспасөз қызметіне сілтеме жасап.
Мұндай шешімге төмендегі факторлар әсер етті:
— Жылдық инфляция тоғызыншы ай қатарынан баяулап келеді. Маусым айында оның деңгейі 10,3%-ды құрады. Мамырда бұл көрсеткіш 10,4% болған.

— Сыртқы нарықтағы құбылмалылық әлі де сақталып отыр. Таяу Шығыстағы қақтығыстың қайта шиеленісуі энергия тасымалдаушылар бағасының өсуіне ықпал етті. Ал әлемдік азық-түлік бағасы әртүрлі бағытта өзгеріп жатыр.

— Елдегі экономикалық белсенділік артып келеді.

— Инфляциялық тәуекел әлі де жоғары деңгейде қалып отыр. Сонымен қатар, қазіргі қатаң ақша-несие саясаты, бұған дейін қабылданған шешімдердің кешіктірілген әсері және валюта бағамының динамикасы инфляцияны тежеуге ықпал етуде.
Еске түсірсек, бұған дейін Ұлттық банк маусым айында соңғы сегіз айда алғаш рет базалық мөлшерлемені 18%-дан 17%-ға дейін төмендеткен еді. Мөлшерлеме туралы келесі шешім 4 қыркүйекте жария етіледі.
JQ-Aqparat
Сурет: fingramota.kz