Талдықорғанда студент пышақ жарақатынан қаза тапты

Сурет: Depositphotos.kz

Әлеуметтік желідегі мәліметке сәйкес, 7 мамыр күні кешке 20 жастағы студент Жәңгір Нұрланұлы достарымен футбол көру үшін барған. Пәтерде шамамен 10 адам болған, олардың арасында 17 жастағы мектеп оқушысы да болған. Жастар арасында жанжал туындаған.

Жанжалдан кейін олар сыртқа шыққан, кейін қайта кездескен. Марқұмның анасының айтуынша, мектеп оқушысы Жәңгірді қайта шақырып, оған бірнеше рет пышақ жарақатын салған. Жас жігіт алған жарақаттарынан көз жұмды.

Жетісу облысының полиция департаменті күдіктінің ұсталып, уақытша ұстау изоляторына қамалғанын хабарлады. Сот оны қамауға алуға санкция берген. Қазір іс бойынша тергеу жүргізіліп жатыр.