Шымкентте киберқылмысқа қарсы түсіндіру жұмыстары жалғасуда

Шымкент қаласы аумағында интернет-алаяқтық пен киберқылмыстардың алдын алу, азаматтардың құқықтық сауаттылығын арттыру және “Заң мен Тәртіп” қағидаты аясында профилактикалық іс-шараларды күшейту мақсатында, 2026 жылғы 18-23 мамыр аралығында кең ауқымды түсіндіру жұмыстары жүргізілуде.

Аталған іс-шара аясында профилактикалық кездесу Шымкент қаласындағы Дендропарк аумағында ұйымдастырылып, тұрғындарға интернет-алаяқтық, киберқылмыстар, дропперлік және жалған инвестициялық жобалардың қауіптері түсіндірілді.

Азаматтарға:
• күмәнді сілтемелерге өтпеу;
• SMS-кодтарды бөгде тұлғаларға бермеу;
• банк картасы деректерін жарияламау;
• “оңай табыс” ұсынатын интернет хабарландыруларға сенбеу қажеттігі ескертілді.

Интернет кеңістігінде сақ болып, жеке деректерін қорғау әркімнің өз қолында.

Сурет: Шымкент қаласы әкімінің баспасөз қызметі