Президент резиденциясы оңалту орталығына айналмақ

20 наурыз 2023, 15:40

Қостанай облысындағы Президент резиденциясы мүмкіндігі шектеулі балалардың оңалту орталығына айналмақ. Амангелді ауылының іргесіндегі Президент резиденциясында алдағы уақытта мүмкіндігі шектеулі балалар емделеді.

«Жұмыс тобы психоневрологиялық патологиясы бар және тірек-қимыл аппараты бұзылған мүгедек балаларға арналған облыстық резиденция базасында оңалту орталығын ұйымдастыру туралы шешім қабылдады. Жаңа орталық денсаулықты жақсартуға және әлеуметтік оңалтуға бағытталған қажетті арнаулы әлеуметтік қызметтер кешенін көрсететін болады. Енді оңалту мерзімі 14 күннен 21 күнге дейін ұзартылады», — деп мәлім етті Қостанай облысы әкімдігінің баспасөз қызметі.

JQ-Aqparat