Полиция күмәнді табыс көздерінен сақ болуға шақырды

Әлеуметтік желі мен интернет кеңістігінде «жоғары жалақы», «жеңіл табыс» деген ұсыныстармен түрлі хабарландырулар таралады. Бір қарағанда мұндай ұсыныстар қызық көрінуі мүмкін. Алайда шындық басқаша: көп жағдайда мұндай хабарландырулардың артында есірткі тасымалдау, сақтау және таратуға байланысты ауыр қылмыстар тұрады, деп хабарлайды jasqazaq.kz ІІМ баспасөз қызметіне сілтеме жасап.

Есірткі бизнесі — жеңіл табыс табу құралы емес, ол қылмыстық жауапкершілікке және өмірдің күйрететін жол.

Полиция келесі маңызды ережені сақтауды ұсынады:

— Күмәнді жұмыс ұсыныстарына ешқашан келіспеңіз. Бұл қауіп туралы достарыңыз бен жақындарыңызға ескертіңіз — олардың қауіпсіздігі де сізге байланысты;

— Заңды жұмыс орындарын және сенімді табыс көздерін таңдаңыз. Жеңіл жолмен табыс табуға ұмтылу ауыр салдарға әкелуі мүмкін;

— Бейтаныс адамдардан келген хабарламаларға және күмәнді ұсыныстарға сенбеңіз. Күмән туған жағдайда құқық қорғау органдарына жүгініңіз