Орталық сайлау комиссиясы Құрылтай депутаттарын тіркеді

Бүгін Қазақстан Республикасы Орталық сайлау комиссиясының XVI отырысы өтіп, онда Қазақстан Республикасы Құрылтайының депутаттары тіркелді, деп хабарлайды jasqazaq.kz
ОСК баспасөз қызметінің мәліметінше, іс-шараға Құрылтайдың сайланған барлық депутаттары қатысты.
Нұрлан Әбдіров «Қазақстан Республикасының Құрылтайы және оның депутаттарының мәртебесi туралы» Конституциялық заңның 44-бабына сәйкес Құрылтай депутатының өкілеттігі Қазақстан Республикасының Орталық сайлау комиссиясында депутат ретінде тіркелген сәттен басталатынын атап өтті.
Отырыста баяндама жасаған ОСК Төрағасының орынбасары Мұхтар Ерман Орталық сайлау комиссиясы бес саяси партиядан сайланған Қазақстан Республикасы Құрылтайының 145 депутаттарын тіркеуді көздейтін қаулы жобаларын әзірлегенін хабарлады. Осыған байланысты «Әділет» партиясынан — 110 депутат, Жалпыұлттық социал-демократиялық партиядан — 8,
Ауыл» партиясынан — 10, «Ақ жол» Қазақстанның демократиялық партиясынан — 8 және «Respublica» партиясынан — 9 депутат тіркелді.
JQ-Aqparat
Сурет: ОСК