OPEC: Қазақстанның квотасы өзгерген жоқ

Қазақстан алдағы қазан айында да тәулігіне 1,628 млн баррель мұнай өндіреді.
OPEC+ қауымдастығына кіретін жеті мемлекеттің өкілдері кеше осындай шешім қабылдады.
Осылайша, қыркүйек айына белгіленген өнім өндіру межесі өзгеріссіз қалды.
Бейне-байланыс арқылы өткен министрлердің кездесуінде алынған шешімге сәйкес, ең көп үлес Сауд Арабиясына тиесілі — 10 млн 478 мың баррель. Одан кейінгі орындарда Ресей (9,949 млн) және Ирақ (4,431 млн) және Кувейт (2,676 млн) тұр. Ал Алжир мен Оманның күнделікті өндірісі тиісінше 1,007 және 841 мың баррель болып белгіленді.
Айта кеткен жөн, 2023 жылы осы OPEC+ қауымдастығына кіретін мемлекеттер нарықтағы бағаны тұрақтандыру үшін “қара алтын” өндірісі көлемін өз еркімен азайту жөнінде шешім қабылдаған болатын.
JQ-Aqparat

Сурет: opec.org