Олжас Бектенов Премьер-Министр болып тағайындалды

31 тамыз, 11:28

Мемлекет басшысы Қасым-Жомарт Тоқаев бүгін еліміздің Премьер-Министрі лауазымына Олжас Бектеновтің кандидатурасын ұсынды.
Президент Құрылтай отырысы алдында заң шығарушы органдағы 5 партияның жетекшілерімен Олжас Бектеновтің кандидатурасы бойынша кеңес өткізді.
Құрылтай депутаттары аталған кандидатураны қолдап дауыс берді.
О. Бектенов 2024 жылдан бері еліміздің Премьер-Министрі қызметін атқарып келді. Ол оған дейін Президент Әкімшілігінің Басшысы, Сыбайлас жемқорлыққа қарсы күрес агенттігінің төрағасының орынбасары, төрағасы қызметін атқарған. Мемлекет басшысының Жарлығымен Олжас Абайұлы Бектенов Қазақстан Республикасының Премьер-Министрі лауазымына тағайындалды.

JQ-Aqparat

Сурет: gov.kz