Олжас Бектенов киберқауіпсіздікті қамтамасыз ету бағытында белсенді жұмыс жүргізуді тапсырды

Бүгін Премьер-министрдің төрағалығымен өткен Үкімет отырысында цифрлық активтер саласын дамыту мәселесі қаралды, деп хабарлайды jasqazaq.kz Үкіметтің баспасөз қызметіне сілтеме жасап.
Жиында киберқауіпсіздікті қамтамасыз ету және азаматтарды цифрлық ортада қорғау мәселесіне назар аударылды.
Токенизация нарығы мен криптоиндустрияның белсенді дамуы аясында алаяқтықтың жаңа түрлері пайда болып жатқаны атап өтілді. Осы айда Қаржылық мониторинг агенттігі криптовалюта түрінде шағын несие беру желеумен жүргізілген заңсыз әрекеттің жолын кесті.
Олжас Бектенов: «Уәкілетті органдар алдағы уақытта да азаматтарды цифрлық ортада қорғауды қамтамасыз етуі қажет. Бұған жаңа Конституцияда кепілдік берілген. Жасанды интеллект министрлігі Ұлттық банкпен бірлесіп, киберқауіпсіздікті қамтамасыз ету және осы саладағы заңнаманы жетілдіру бағытында белсенді жұмыс жүргізуі тиіс»,
— деп атап өтті.
JQ-Aqparat
Сурет: Үкіметтің баспасөз қызметі