Олимпиада чемпионы Данияр Елеусіновтің Астанада ұсталғаны туралы ақпарат тарады: Полиция түсініктеме берді

Желіде Данияр Елеусиновнің ұсталғаны туралы ақпарат тарады. Бұл ақпаратқа байланысты Астана қаласының Полиция департаменті екі жол-көлік оқиғасы болғанын растады, алайда қатысушылардың аты-жөнін атаған жоқ, деп хабарлайды jasqazaq.kz.

«Алдын ала мәлімет бойынша, Toyota Land Cruiser көлігінің жүргізушісі екі автокөлікпен соқтығысып, оқиға орнынан кетіп қалған. Көлік полиция қызметкерлерімен Достық көшесінде анықталып, тоқтатылды. Рөлде алкогольдік масаңдық белгілері бар 35 жастағы ер адам болған. Жол-көлік оқиғалары салдарынан зардап шеккендер жоқ», – деп мәлімдеді полиция.

Сондай-ақ полиция «жауапкершілік адамның танымалдылығына, кәсібіне, лауазымына немесе еңбегіне байланысты емес. Заңды бұзып, жауапкершіліктен жалтаруға тырысқан әрбір адам заңда белгіленген тәртіппен жауапқа тартылады» деп атап өтті.