Мемлекеттік қызметтерді алу кезінде азаматтардың құқықтарын қорғау Қазақстан Республикасы Мемлекеттік қызмет істері агенттігінің Павлодар облысы бойынша департаменті жұмысының маңызды бағыттарының бірі болып табылады. 2026 жылдың бірінші жартыжылдығында ғана жүргізілген жұмыстың арқасында 110 қызмет алушының құқықтары қалпына келтірілді.
Бұзушылықтарды анықтау үшін Департамент мамандары мемлекеттік органдарға жоспарлы және жоспардан тыс тексерулер, сондай-ақ ақпараттық жүйелер арқылы қызмет көрсету сапасына сыртқы мониторинг жүргізді.
Жүргізілген талдау көрсеткендей, өңір тұрғындары көбінесе мемлекеттік қызмет көрсету мерзімдерін бұзуға, оларды ұсынудың белгіленген тәртібін сақтамауға және көрсетілетін қызметті берушілер тарапынан негізсіз бас тартуға тап болады.
Бақылау іс-шараларының нәтижелері бойынша Мемлекеттік қызметтер саласындағы заңнаманы 500-ден астам бұзушылық анықталды. Жіберілген бұзушылықтар үшін 16 лауазымды тұлға тәртіптік жауапкершілікке тартылды.
Бұдан басқа, Қазақстан Республикасы Әкімшілік құқық бұзушылық туралы Кодексінің 465-бабы бойынша 13 әкімшілік хаттама жасалды. Мемлекет кірісіне өндіріп алынған айыппұлдардың жалпы сомасы шамамен 973 мың теңгені құрады.
Құрғақ сандардың артында әділеттілікке қол жеткізген адамдардың нақты оқиғалары жатыр.
Мәселен, жер учаскесінің нысаналы мақсатын өзгерту жөніндегі мемлекеттік қызметтен бас тартуды алған Павлодар тұрғыны Департаментке жүгінді. Азамат шешімді негізсіз деп санап, мемлекеттік органдардың іс-әрекеттерінің заңдылығын тексеруді сұрады.
Осы өтініш бойынша Павлодар қаласы әкімі аппаратына жоспардан тыс тексеру жүргізілді. Тексеру барысында жер учаскесін бөлу схемасын дайындау кезінде учаскенің ауданы мен нысаналы мақсатын көрсетуде қателіктер жіберілгені анықталды. Дәл осы дәлсіздіктер кейіннен бас тартуға негіз болды.
Сонымен қатар, мемлекеттік қызмет көрсетудің қолданыстағы ережелері өтініш берушіге келісуші ұйымдардан оң қорытындылар алғаннан кейін бас тарту мүмкіндігін көздемейді. Осылайша, бас тарту туралы шешім негізсіз деп танылды.
Департаменттің араласуынан кейін өтініш берушілердің құқықтары толығымен қалпына келтірілді. Мемлекеттік қызмет белгіленген тәртіппен көрсетілген және жер учаскесінің нысаналы мақсатын өзгерту туралы шешім берілген.
Департамент әрбір азаматтың мемлекеттік қызметтерді сапалы және уақтылы алуға құқығы бар екенін атап өтті. Құқықтар бұзылған жағдайда облыс тұрғындары 20-85-06сенім телефоны арқылы хабарласа алады. Бұдан басқа, «EgovKzBot 2.0» Telegram-боты арқылы «Уәкілетті органға жүгіну» бөлімінде шағымды жолдауға болады.
Көрсетілетін қызметті алушылардың құқықтарын қорғау бойынша жұмыс жалғасуда. Тәжірибе көрсеткендей, азаматтардың уақтылы жүгінуі нақты жағдайда әділдікті қалпына келтіріп қана қоймай, жалпы мемлекеттік органдар жұмысының сапасын арттыруға мүмкіндік береді.
М. Құлмағамбетова,
МҚІА Павлодар облысы бойынша департаментінің
Мемлекеттік қызметтер басқармасының бас маманы
WhatsApp: +7 705 717 9113
