Мемлекет басшысы Құрылтай Төрағасы лауазымына Айбек Дәдебайды ұсынды

Бүгін Мемлекет басшысы Қасым-Жомарт Тоқаев Құрылтайдың Төрағасы лауазымына Айбек Дәдебайдың кандидатурасын ұсынды.
Алғашқы Құрылтайдың отырысында сөз сөйлеген Президент жаңа Конституцияға сәйкес, билік институттарын жасақтау жұмысын бастау үшін бірқатар рәсімді өткізу керектігін мәлімдеді. Айта кеткен жөн, Конституцияның 57-бабына сәйкес, Құрылтай Төрағасы лауазымына кандидатураны Президент ұсынады.
Мемлекет басшысы осыған орай, “Мен жауапкершілігі мол бұл лауазымға Айбек Арқабайұлы Дәдебайұлының кандидатурасын ұсынамын” деді.
Президент өз сөзінде Айбек Дәдебайдың мемлекеттік басқару жүйесінде көп жыл қызмет етіп, мол тәжірибе жинағанын, өзінің білімді, отаншыл, адал азамат екенін нақты істермен дәлелдегенін әрі осы лауазымға лайық екенін атап өтті.

JQ-Aqparat

Сурет: aqorda_resmi