Мажарстандық депутат: Құрылтай сайлауы – Қазақстанның демократиялық тұрғыдан дамығанының көрінісі

Құрылтай депутаттарын сайлау – Қазақстанның демократиялық тұрғыдан дамығанының көрінісі. Мұндай пікірді Мажарстан Парламентінің депутаты Шандор Ковач білдірді. Саясаткер заң үстемдігін нығайтуға және азаматтық қоғамның ашықтығын қамтамасыз етуге бағытталған конституциялық реформаларға жоғары баға берді.

Алдағы Құрылтай депутаттарын сайлау Қазақстанның жаңартылған саяси моделін жүзеге асырудағы маңызды кезең болмақ. Сайланған депутаттарға жаңа конституциялық жүйе жағдайында жұмыс істеп, мемлекеттік институттарды одан әрі жетілдіруге атсалысу міндеті жүктеледі.

Шандор Ковачтың айтуынша, соңғы отыз жылда Қазақстан ауқымды өзгерістер мен даму жолынан өтті. Оның пікірінше, бұл өзгерістер елдің сыртқы келбеті мен инфрақұрылымының дамуын ғана емес, саяси жүйені де қамтыды.

«Соңғы отыз жылда Қазақстан таңғаларлық өзгерістер мен даму жолынан өтті. Әдемі әрі сәулетті ғимараттар салынып қана қойған жоқ – Қазақстанда маңызды демократиялық өзгерістер болды. Құрылтай сайлауы – соның бір көрінісі», – деп атап өтті Шандор Ковач.

Мажарстандық депутат алдағы сайлауды елдің саяси институттарының дәйекті дамуы тұрғысынан қарастырады. Жаңа өкілді органды қалыптастыру конституциялық өзгерістерді іс жүзінде жүзеге асырудың маңызды кезеңдерінің біріне айналмақ.

Шандор Ковач Қазақстанның ұлттық дәстүрлерді заманауи дамумен ұштастыруға деген ұмтылысына да назар аударды. Оның пікірінше, тарихи және мәдени мұраны сақтау елдің технологиялық, әлеуметтік және саяси жаңғыруымен қатар жүріп жатыр.

«Қазақстандықтар өз дәстүрлері мен көне мәдениетін сақтай отырып, технологияны, қалаларды, өмір сапасы мен демократияны дамытып келеді», – деп атап өтті саясаткер.

Дәстүр мен жаңғырудың мұндай үйлесімі елде болып жатқан өзгерістердің жалпы сипатын көрсетеді. Қазақстан өз тарихы мен мәдениетін сақтай отырып, мемлекеттік институттарын жетілдіріп, оларды қоғамның заманауи сұраныстарына бейімдеп келеді.

Осы тұрғыдан алғанда, алдағы сайлаудың маңызы ерекше. Сайлау жаңа Құрылтайдың құрамын айқындауы тиіс. Жаңа құрам жаңартылған конституциялық жағдайда жұмыс істеп, елдің одан әрі дамуына қатысты заңнамалық шешімдер қабылдайтын болады.

Сөз соңында Шандор Ковач Қазақстанға алдағы Құрылтай депутаттары сайлауын сәтті өткізуді тілеп, оның ел үшін маңызын атап өтті.

«Мажарстан атынан еліңіз үшін маңызды Құрылтай сайлауын сәтті өткізулеріңізді тілеймін», – деп қорытындылады Мажарстан Парламентінің депутаты.

Осылайша, Шандор Ковачтың бағалауынша, Құрылтай сайлауы – Қазақстанда жалғасып жатқан саяси дамудың бір бөлігі. Ұлттық дәстүрлерді сақтау, жаңғыру және мемлекеттік институттарды жаңарту жаңа кезеңнің негізін қалыптастырады. Ал оны іс жүзінде жүзеге асыру жаңа жоғары өкілді орган – Құрылтайдың қызметімен байланысты болмақ.