Қырғызстан Президенті әкімшілігі: Қазақстан 2026 жылғы Дүниежүзілік көшпенділер ойындарында медальдар есебі бойынша бірінші орын алды

07 қыркүйек, 17:22

Сурет: Akorda.kz

Қырғызстан Президенті әкімшілігінің мәлімдеуінше, Қазақстан 2026 жылғы Дүниежүзілік көшпенділер ойындарында жалпы командалық медальдар есебі бойынша бірінші орынға ие болды, деп хабарлайды jasqazaq.kz.

«Командалық есепте орын алған жалғыз техникалық айырмашылық медальдарды есептеу кезінде пайда болды. Бүгін ұйымдастыру комитеті Қазақстан Республикасының үш спортшысының әрқайсысы жеңіп алған медальдарды жеке-жеке есепке алу туралы шешім қабылдады. Осылайша, жалпы командалық есепте бірінші орынды Қазақстан иеленді. Қазақ бауырларымызды жеңісімен құттықтаймыз!» — делінген хабарламада.

Қырғызстанда өткен Дүниежүзілік көшпенділер ойындарында Қазақстан құрамасы 74 медаль жеңіп алды. Оның 32-сі — алтын медаль. Бұл туралы ҚР Туризм және спорт министрлігі хабарлаған.