ҚМА Ұлытау облысында 23 мың тоннадан астам марганец кенін заңсыз өндірген топтың әрекетін тоқтатты

Тергеу дерегінше, күдіктілер пайдаланудан шыққан карьерді рекультивациялау жұмыстарын жүргізіп жатқан кейіп танытып, іс жүзінде ауыр карьер техникасы мен ұсату-жуу жабдықтары бар толыққанды тау-кен байыту кешенін іске қосқан. Өндірілген кен тауарлық концентратқа өңделіп, теміржол арқылы шекаралас мемлекеттерге экспортқа жөнелтіліп отырған, деп хабарлайды jasqazaq.kz ҚМА-ның баспасөз қызметіне сілтеме жасап.

Өткізілген өнім көлемі 23 мың тоннадан асып, оның құны 1 млрд теңгеден көп болған.

 Заңсыз әрекет салдарынан қоршаған ортаға залал келтірілген. Бүлінген жерлерді қалпына келтіру құны 150 млн теңгеден асады. Тергеу жалғасып жатыр.

Сурет: ҚМА/видеодан кадр

Посмотреть эту публикацию в Instagram

Публикация от JAS QAZAQ (@jasqazaqkz)