«Қашағанның» мұнайы Ақтау – Баку бағытында тасымалдана бастады

20 наурыз 2023, 16:31

«Қашағанда» өндірілген мұнай Каспий теңізі арқылы Ақтау-Баку бағытында тасымалдана бастады. Азертадж агенттігі жазғандай, бұл бағыт бойынша тасымал «Әзербайжан Каспий теңіз кемесі» ЖАҚ (ASCO) Теңіз көлік флотына қарасты «Академик Хошбахт Юсифзаде» танкерінің көмегімен жүзеге асырылады.

Резервуарына 6 900 тонна шикі мұнай тиелген танкер Ақтау портынан шығып, Әзербайжанның «Сангачал» терминалына жеткізіледі.

Президент Ильхам Алиевтің қатысуымен 2022 жылы іске қосылған «Академик Хошбахт Юсифзаде» танкері 7800 тонна жүкті тасымалдай алады.

JQ-Aqparat