Бұған дейін аталған университетте бір семестр академиялық алмасу бағдарламасы бойынша білім алған Қырғызстанның екі студенті әлеуметтік желіде тараған даулы видеоға байланысты пікір білдірді.
Университет өкілдерінің мәлімдеуінше, студенттер 2025–2026 оқу жылының көктемгі семестрінде ғана білім алған және қазіргі уақытта Қазақстаннан кеткен. Олардың ЕҰУ-да айтқан пікірлері жол беруге болмайтын әрекет ретінде бағаланды.
Тікелей эфир барысында студенттер қазақ халқы қырғыздардан кейін пайда болған деген пікір айтып, кейбір дәстүрлер қырғыздардан қазақтарға ауысқанын мәлімдеген. Сондай-ақ олардың ханның басына қатысты айтқан сөздері қоғам арасында үлкен резонанс туғызды.
Бейнежазба әлеуметтік желілерде кеңінен тарағаннан кейін студенттер қазақстандықтардан кешірім сұрап, видеоүндеу жариялады.
«Бауырылас қазақ халқы, айтқан барлық сөздеріміз үшін сіздерден кешірім сұраймыз. Біз өз жауапкершілігімізді түсінеміз және мұндай жағдайдың енді қайталанбайтынына уәде береміз», – деді олар.
Бішкек мемлекеттік университеті де ресми түрде кешірім сұрап, студенттердің айтқан сөздері оқу орнының ұстанымын білдірмейтінін атап өтті. Студенттер түсініктеме беру үшін шақырылып, оларға қатысты тәртіптік шара қолдану мәселесі қарастырылып жатыр.
JQ-Aqparat
WhatsApp: +7 705 717 9113
