Ет пен сүт өндірісі ұлғаяды

Биыл жылына 50 мың тонна ет шығаратын 7 ет өңдеу жобасын іске қосу жоспарланды. Ауыл шаруашылығы министрлігінің кеңейтілген алқа отырысында Ербол Қарашөкеев осылай деп мәлімдеді.

2023 жылы республика бойынша жылына 50 мың тонна ет шығаратын 7 ет өңдеу жобасын іске қосу жоспарлануда. Сонымен қатар, жылына 25 мың тонна сүт өндіретін сүт зауыттарын жаңғырту бойынша 5 жоба қолға алынады. Өсімдік шаруашылығы өнімдерін өңдеуді дамыту үшін 5 жобаны пайдалануға беру көзделіп отыр, — деді ауыл шаруашылығы министрі.
Бес жылға арналған қант саласын дамытуға арналған кешенді жоспар әрмен қарай іске асырылады. Бұл жобаларды іске асыру қайта өңдеу өнімдерін өндіру көлемін ұлғайтуға және импортқа тәуелділікті төмендетуге мүмкіндік береді.

Өткен жылы ауыл шаруашылығы министрлігіне жүн мен теріні терең өңдеу функциясы берілгенін еске салған министр: «Енді біздің міндетіміз осы бағыттың одан әрі дамуын қамтамасыз ету, ол үшін жүн мен теріні бастапқы өңдеп қана қоймай, терең өңдеу үшін инвестициялық сусбсидиялауды енгізе отырып, тиісті шаралар кешені әзірленеді», — деді.

JQ-Aqparat