Ержан Саденов Ішкі істер министрі қызметінде қалды

Ержан Саденов Ішкі істер министрі қызметінде қалды, деп хабарлайды jasqazaq.kz Ақордаға сілтеме жасап.

«Мемлекет басшысының Жарлығымен Ержан Сапарбекұлы Сәденов Қазақстан Республикасының Ішкі істер министрі лауазымына тағайындалды», — делінген Ақорда хабарламасында. Ержан Сәденов 1993 жылы С. Аманжолов атындағы Шығыс Қазақстан Мемлекеттік университетін, 1998 жылы – ҚР ҰҚК Қарағанды жоғары мектебін тәмамдаған.
1993-2009 жылдары ШҚО Ішкі істер бөлімшелерінде аға жедел уәкілден аумақтық департамент басқармасының бастығына дейін қызмет атқарды.
2009 жылдан 2022 жылға дейін Маңғыстау, Ақмола облысы және Нұрсұлтан қаласы Көліктегі ішкі істер департаменттері бастығының орынбасары, бастығы лауазымдарында еңбек етті.
2022-2023 жылдары – ҚР ішкі істер министрінің орынбасары.
2023 жылдың қыркүйек айынан – Қазақстан Республикасының ішкі істер министрі.
I дәрежелі «Даңқ» (2026), I (2024) және II дәрежелі (2018) «Айбын» ордендерімен марапатталған.

JQ-Aqparat
Сурет: gov.kz