Алматыда жол ортасында ер адамды ұрып құлатқан жүргізуші қамауға алынды

12 тамыз, 14:19

Алматыда жол ортасында ер адамды ұрып, видеосы резонанс тудырған жүргізуші қамауға алынды, деп хабарлайды jasqazaq.kz Алматы полициясына сілтеме жасап.

Жарияланған бейнекадрларда жанжалға қатысушылардың бірі екінші жүргізушіге күш қолданғаны көрінеді.

Аталған факт бойынша полиция тарапынан дереу сотқа дейінгі тергеу басталды. Күдікті анықталып, ұсталды және уақытша ұстау изоляторына қамалды.

Тергеу барысы Алматы қаласы Полиция департаменті басшылығының бақылауында.

Полиция жолдағы кез келген жанжалды жағдайлар тек заң аясында шешілуі тиіс екенін еске салады. Жол қозғалысына қатысушыларға күш қолдану заңда белгіленген жауапкершілікке әкеп соғады.