Алматыда 12 жастағы бала пышақ жарақатынан көз жұмды

12 маусым, 11:46

Алматыда 12 жастағы бала пышақ жарақатынан көз жұмды. Отбасы өкілдерінің айтуынша, қайғылы оқиға 10 маусым күні Түрксіб ауданында болған. Олардың дерегінше, 13 жастағы екі жасөспірім баланы 9 рет пышақтаған, деп хабарлайды jasqazaq.kz.

Полицияның хабарлауынша, кәмелетке толмағандар арасындағы жанжал барысында бала ауыр дене жарақатын алған. Кісі өлтіру күдігімен 13 жастағы марқұмның танысы ұсталып, арнайы жабық мекемеге қамалды.

Аталған дерек бойынша қылмыстық іс қозғалып, тергеу амалдары жүргізілуде. Сондай-ақ күдікті баланың ата-анасын бала тәрбиесіне қатысты міндеттерін тиісінше орындамағаны үшін жауапкершілікке тарту мәселесі қарастырылып жатыр.