Алматы облысында полиция қызметкерінің өртелген мәйіті табылды: әйелі мен баласы ұсталды

24 маусым, 11:53

Кеген ауданында ер адамның өртелген мәйіті табылды. Полицияның мәліметінше, марқұм ішкі істер органдарының қызметкері болған.

Мәйіт 23 маусым күні Көкпек – Көктал – Кеген тасжолынан шамамен 400 метр қашықтықта, Кеген асуы маңынан табылған. Бұл туралы мал іздеп жүрген жергілікті қойшы хабарлаған.

Алматы облысы полиция департаменті аталған дерек бойынша қылмыстық іс қозғалғанын хабарлады. Марқұмның жеке басы анықталып, оның Алматы қаласының полиция қызметкері екені белгілі болды.
Жедел-іздестіру іс-шаралары барысында күдіктілер ұсталды. Олардың қатарында марқұмның жұбайы мен ұлы да бар. Барлығы уақытша ұстау изоляторына қамалды.

JQ-Aqparat