Әл-Фарабидегі жол апаты: Zeekr жүргізушісі Александр Пак 10 жылға сотталды

Алматыда үш жас адамның өмірін қиған резонанстық жол апаты бойынша сот үкімі жарияланды. Әл-Фараби даңғылында адам өліміне әкелген жол-көлік оқиғасына айыпталған Александр Пак 10 жылға бас бостандығынан айырылды, деп хабарлайды jasqazaq.kz.

Сот Александр Пакқа қауіпсіздігі ең төменгі қылмыстық-атқару жүйесі мекемесінде жазасын өтеумен 10 жыл бас бостандығынан айыру жазасын тағайындады. Сонымен қатар, оған өмір бойы көлік құралдарын басқаруға тыйым салынды.

Сондай-ақ сот қаза тапқан 20 жастағы Т.К.-ның әкесінің азаматтық талабын ішінара қанағаттандырып, Пакты 10 миллион теңге көлемінде моральдық өтемақы төлеуге міндеттеді. Бұған дейін марқұмның әкесі 100 миллион теңге өтемақы талап еткен болатын.