Ақтөбеде бұрынғы қызын интимдік видеомен қорқытып жүрген ер адам ұсталды

26 маусым, 14:55

Ақтөбе облысы полиция департаментінің қызметкерлері бопсалау және жеке өмірге қол сұғу фактісін тоқтатты, деп хабарлайды jasqazaq.kz. облыстық полицияға сілтеме жасап.

Полицияға Ақтөбе қаласының тұрғыны бұрын қарым-қатынаста болған ер адамның оның келісімінсіз түсірілген интимдік бейнежазбаларды таратамын деп қорқытып, психологиялық қысым көрсетіп жүргені туралы арызданған. Жедел-іздестіру іс-шаралары барысында күдікті анықталып, ұсталды. Ол көршілес облыстың 38 жастағы тұрғыны болып шықты.

Аталған факті бойынша сотқа дейінгі тергеп-тексеру басталды. Күдікті уақытша ұстау изоляторына қамалды.

Полиция жеке өмірге қатысты мәліметтерді тарату немесе таратамын деп қорқыту заңмен жазаланатынын ескертеді.