Ақбаян Мұқанғалиева балаларымен кездесті (Видео)

Бүгін, 15:03

Атырау облысының Жангелдин ауылындағы қайғылы оқиғадан аман қалған жалғыз адам – Ақбаян Мұқанғалиева психикалық денсаулық орталығынан шыққаннан кейін алғаш рет балаларымен кездесті, деп хабарлайды jasqazaq.kz.
Қазір ол туыстарының қарауында, солардың бірінің үйінде тұрып жатыр. Туыстарының айтуынша, әйелдің жағдайы жақсы. Ал балаларымен қарым-қатынасы оның эмоционалдық жағдайына оң әсер етуде.
Әзірге ата-анасы мен бауырларының қазасы туралы білмейді. Туыстары оның жағдайы толық қалпына келгенге дейін айтпауды ұйғарған. Өйткені бұл жаңалық оған тым ауыр соққы болуы мүмкін деп алаңдайды.
Туыстары Ақбаянның емделуі мен оңалуына әрі қарай да көңіл бөліп, оның толықтай қалпына келуіне үміт артып отыр.
Еске салайық, 2025 жылдың соңында Ақбаянның бұрынғы күйеуі Сұлтан Сарсемалиев әйелдің ата-анасын, ағасы мен әпкесін, яғни оның бүкіл отбасын өлтірген. Қылмыскер өмір бойына бас бостандығынан айрылды.