21 күнде 1300-ден астам әрекет: ҰҚК Қазақстаннан бензинді заңсыз әкетудің жолын кесті

23 шiлде, 12:02

21 күнде Ұлттық қауіпсіздік комитеті Қазақстаннан бензинді заңсыз әкетудің 1300-ден астам әрекетінің жолын кесті, деп хабарлайды jasqazaq.kz.

ҰҚК Шекара қызметі мұнай өнімдерінің мемлекеттік шекара арқылы заңсыз шығаруына жол бермеу жөнінде шаралар қабылдауда. Тек осы жылдың 1 — 21 шілдесі аралығында өткізу пункттерінде 112 тоннадан астам көлемдегі жанар-жағармай материалдарын заңсыз өткізудің 1342 әрекеті тіркелген.

Кінәлі адамдар Қазақстан Республикасының қолданыстағы заңнамасына сәйкес жауапқа тартылды.

Бұл әрекеттер елдің энергетикалық қауіпсіздігін қамтамасыз етуге және ЖЖМ көлеңкелі айналымына жол бермеуге бағытталған. Аталған бағыттағы жұмыстар жалғасуда.