Жамбыл облысында 100 млн теңгеден астам мемлекет қаржысы жымқырылған

Меркі ауданының прокуратурасы аудандық әкімдіктің сәулет, қала құрылысы және құрылыс бөлімі тарапынан бюджет қаражатының жұмсалу заңдылығына талдау жүргізгенде мемлекетке 108 млн теңге көлемінде залал келтірілгені анықталды, деп хабарлайды jasqazaq.kz.
Жамбыл облыстық прокуратурасы мәліметінше, бөлім Мыңқазан ауылындағы тұрғын үй массиві үшін электр желілерін салу құрылысы бойынша іс жүзінде орындалмаған жұмыстарға мердігер ұйымға қаржы аударған.
Осы дерек бойынша биылғы 30 наурызда аудан прокуратурасы ҚР ҚК-тің 189-бабының 4-бөлігінің 2-тармағы бойынша сотқа дейінгі тергеп-тексеруді бастады. Іс одан әрі тергеу жүргізу үшін ҰҚК Жамбыл облысы бойынша департаментіне жолданды.
Қазіргі уақытта сотқа дейінгі тергеп-тексеру жүргізіліп жатыр.
JQ-Aqparat