Шымкент: Оқушыларға құқықтық тәртіптің маңызы түсіндірілді

06 мамыр, 17:32

Шымкент қаласы, №98 жалпы орта білім беретін мектебінің оқушыларына арналған профилактикалық түсіндірме жұмыстары өткізілді.

«Заң мен тәртіп» қағидасы аясында ұйымдастырылған іс-шара барысында оқушыларға құқықтық тәртіптің маңыздылығы түсіндірілді. Кездесу барысында “Дроп, интернет алаяқтық, отбасындағы зорлық-зомбылықтың алдын алу” тақырыбында және қоғамдық тәртіпті сақтау, қауіпсіздік талаптарын орындау, жасөспірімдердің құқықтық сауаттылығын арттыру мәселелері кеңінен қамтылды.

Мұндай кездесулер жасөспірімдер арасында құқықтық мәдениетті қалыптастыруға және қоғамдағы тәртіп пен қауіпсіздікті нығайтуға бағытталған.

Сурет: Шымкент қаласы әкімдігі