Шама келсе, банкроттыққа жеткізбеген дұрыс

Премьер-Министрдің орынбасары — қаржы министрі Ерұлан Жамаубаев банкроттықты рәсімдеуге қатысты сауалдарға жауап берді.

Оның айтуынша, қазір министрлік мамандары банкорттық салдарынан туындайтын шектеулерді түсіндіруге көңіл бөліп жатыр.

«Қозғалыс бар. Күн сайын түрлі алаңдарда түсіндіру жұмыстарын жүргіземіз. Арнайы медиа-жоспарымыз бар. Банкроттық деген игілік емес. Бұл – кезінде қабылданған шешімдердің салдары ғана. Қазір біз төлем қабілетін жақсартуға барған дұрыс екенін, банкроттықа жеткізбеу қажеттігін түсіндіріп жатырмыз. Дегенмен әркімнің басында түрлі жағдай болады. Сондықтан бүкіл жолдарды қарадық. Соттан тыс, сот арқылы банкроттық рәсімдеу, төлем қабілетін арттыру жолдары бар», — деді министр.