Павлодардағы әскери бөлімде атыс болды: бір қызметкер қаза тауып, екіншісі жарақат алды

16 сәуiр, 10:12

Павлодар қаласындағы әскери бөлімдердің бірінде оқ атқан әскери қызметкер қаза тапты. Ішкі істер министрлігінің баспасөз қызметі 2026 жылғы 16 сәуірде оқиға фактісі бойынша қылмыстық істер қозғалғанын айтты, деп хабарлайды jasqazaq.kz.

«Алдын ала мәліметтер бойынша, келісімшарт негізінде қызмет атқаратын әскери қызметкер бекітілген қарудан оқ атқан, салдарынан өзі оқиға орнында қаза тауып, тағы бір келісімшарттағы әскери қызметкер жарақат алды. Қазіргі уақытта сотқа дейінгі тергеу жүргізіліп, оқиғаның барлық мән-жайы анықталуда. Зардап шеккен азаматқа қажетті медициналық көмек көрсетілуде», – делінген хабарламада.

Тергеу барысы ІІМ Әскери-тергеу департаментінің бақылауында.