Қостанайда бір топ ер адам полицейді ұрып-соқты (Видео)

31 наурыз, 17:11

Қостанайда бір топ ер адам полицейді ұрып-соқты, деп хабарлайды jasqazaq.kz.

Кадрдан үш адамның формадағы қызметкерге шабуыл жасап, оны ұрып жатқанын көруге болады. Ресми деректерге сәйкес, полицей қызметтік міндетін атқарып жүріп, балаларды ертіп бара жатқан кезде бір топ ер адамға ескерту жасаған. Оған жауап ретінде олар агрессивті әрекет танытып, құқық қорғау органының қызметкеріне шабуыл жасаған. Полицей жерге құлағаннан кейін де оны тепкілеуді жалғастырған.

«Шабуыл жасағандардың барлығы анықталып, ұсталды. Билік өкіліне шабуыл жасау фактісі бойынша қылмыстық іс қозғалды. Әрбір кінәлі толық көлемде жауапкершілікке тартылады», — деп хабарлады Қостанай облысының ПД.