Қазақстандық қоғамдық ұйым марапатталды

“Atamnyn Amanaty» ҚБ алты жыл бойы соғыс жылдарында қаза тапқан және хабар-ошарсыз кеткен қазақстандық әскери қызметшілердің тағдырын және жерленген орындарын анықтауға бағытталған жүйелі архивтік-іздестіру және іздеу қызметін жүргізіп келеді. Осы кезең ішінде 200-ден астам халықаралық және республикалық ынтымақтастық туралы меморандумдарға қол қойылды. Ұйым шетелдердің бірқатар жетекші іздеу бірлестіктерінің, соның ішінде «Поискового движения России», «Волонтёры Победы» және басқа да ұйымдардың негізгі серіктесі болып табылады.
Қазақстандық қоғамдық ұйымның тарихи жадыны сақтау бағытындағы қызметі халықаралық форумдар мен конференцияларда жоғары бағалануда. Бұл жұмыстың мойындалуының дәлелі ретінде 2026 жылғы 12 мамырда Қазақстан Республикасындағы Ресей Федерациясының Төтенше және Өкілетті Елшісі А.Бородавкин «Atamnyn Amanaty» ҚБ-ға Ресей Федерациясының мемлекет басшысы қол қойған «Ұлы Отан соғысындағы Жеңіске – 80 жыл» естелік медалін табыс етті.